Москва облазының Бекасово Спа-пансионадынга ноябрь 9-тан 11-ге чедир «Өөредилге организациязының музейи – ниити интеграция болгаш немелде өөредилгениң делгеми» деп VI Бүгү делегейниң музейлер конкурузунуң финалы болуп эрткен.

Финал сураглыг педагог С.Т. Шацкийге тураскааткан «Өөредилге: келир үеже көрүш» деп ХХ Бүгү Россияның форумунуң шөлчүгежинге эрткен.

Кызыл кожууннуң О.К. Оолак аттыг Ээрбек ортумак школазының 4-кү клазының өөреникчизи Чойгана Монгуш база «Дайынчы болгаш күш-ажыл Алдарының музейи» школа музейиниң удуртукчузу Клара Кара-Сал-биле «Өөредилге организациязының музейи – ниити интеграция болгаш немелде өөредилгениң делгеми» деп VI Бүгү делегейниң музейлер конкурузунуң дипломантылары болган.

Финалистер болган школачы Чойгана Монгуш биле удуртукчузу Клара Кара-Салга байыр чедирип тур бис! Ам-даа хөй-хөй чедиишкиннерни күзедивис!

#минобразованиятыва #конкурсмузеев