Сукпак школазының 7-8 класстарының өөреникчилеринге онза солун сагыш-сеткил хайныышкынын арттырган программалыг мергежилдер шенелделери болуп эрткен, ол - симуляторлар болгаш чолаачылар өөредиринге тренажер комплекстери, бодунуң холу-биле кылган торт база пироженое.

Октябрь айдан эгелеп, Тываның техникумнарында аңгы-аңгы мергежилдер аайы-биле профессионал шенелделер эртип турар. Тываның политехниктиг техникумунда «Мастер по ремонту и обслуживанию автомобилей» биле «Повар-кондитер» деп мергежилдерге профессионал шенелделер болуп эрткен. Аңаа оолдар, уруглар тренажерлуг комплекстерни магадап көрүп, өөреникчи бүрүзү бодун чиик болгаш чүък сөөртүр автотранспорттуң чолаачызы кылдыр шенээн.

Эң-не амданныг мастер-классты «Повар-кондитер» деп мергежил-биле таныштырылгада школачыларга бараалгаткан. Аңаа кондитер кылыгларын каастаарының янзы-бүрү техниказын көргүскен. Уругларның аваангыр холдары тускай кондитер хап-биле кондитер кылыгларын болгаш торту каастаарынга бүдүрүлге өөредилгезиниң мастеринге дузалашкан.

Тываның 3 техникумунда бо чылын «Өөредилге» национал төлевилелдиң «Аныяк профессионалдар» федералдыг төлевилелиниң ачызында амгы стандарттар-биле мастерскаяларны чаарткан болгаш ажыткан дээрзин сагындыраалыңар.

Школачыларның солун программалыг мергежилдер шенелделери шайлаашкын-биле доозулган.

Чедиишкиннерни күзедивис! Тываның политехниктиг техникумунуң коллективинге өөрүп четтириишкинни илереттивис!

#минобразованиятыва #профпробы #молодыепрофессионалы #нацпроект #образованиевприоритете