Барыын-Хемчик кожууннуң Чогаадылга төвү «Өөредилге» национал төлевилелдиң «Уруг бүрүзүнүң чедиишкини»/«Успех каждого ребенка» федералдыг төлевилелдиң киржикчизиниң бирээзи болгаш, күш-культура-спортчу угланыышкынның талазы-биле кижизидилге база өөредилге херекселдериниң алыкчылары болуп турар. Бо чылын Төп хөгжүлдеге чадаг-терге туризмниң чадаг-тергелерин алган болгаш, ук хевирниң туризминиң программазын чурт-шинчилел талазы-биле программага немелде кылдыр ажылдап кылып турар. Чазын 25 хире уруг даг чадаг-терге туризмин шиңгээдип эгелээр – ол дээрге, кожууннуң немелде өөредилгезиниң чаа угланыышкыны-дыр.

Ниитизи-биле Чогаадылга төвү кожууннуң 1000 ажыг уруун хаара тудуп, Барыын-Хемчик кожууннуң көдээ школаларынче үнүүшкүннүг кичээлдерни хандырарының көргүзүү. Оларның аразында каасталга-эт-херексел кылырының уран чүүлүнүң, уругларның 3D моделированиеде боттарының чогаадыкчы бодалдарын болгаш идеяларын боттандырар 3D ручка, парикхмахер ажыл-херээ, национал ча адар “Алдын согун” бөлүү чедиишкинниг болуп турар. Роботехника бөлүү – Төптүң сонуургаары чаа бөлгүмнерниң бирээзи, ында барык 36 уруг роботтарны кылып, логиктиг боданыышкын болгаш биче моториказын сайзырадып, оларны башкарып өөренип турар.

«Юный шахматист» клувунче 48 оол болгаш уруг барып турар, оларның хөй кезии аңгы-аңгы деңнелдиң маргылдааларында киржип, республика чергелиг «Белая ладья» деп маргылдаада база бар.

«Бистиң кожууннуң Чогаадылга төвүнде хөй санныг оолдар-уруглар сонуургалдар аайы-биле янзы-бүрү бөлгүмнер болгаш секцияларже барып турар. Ынчангаш «Өөредилге» национал төлевилелдиң деткимчези-биле бис өзүп орар салгалга немелде өөредилгениң аңгы-аңгы хевирлерин хандырып шыдаар аргалыывыс өөрүнчүг. Робототехника болгаш шыдыраа интеллектуалдыг бөлгүмнерден аңгыда, төпте танцы-сам салым-чаяанын, күш-культура болгаш сонуургаан сайзырадырынче угланган идепкейжи базымнар бар. Чижээлээрге, бистиң «Dance Mix» танцы бөлүүнүң бичии самчылары муниципалдыг-даа, регионалдыг-даа деңнелде эртип турар шупту хемчеглерде идепкейжи болгаш чедиишкинниг киржип турар» - деп, Барыын-Хемчик кожууннуң Чогаадылга төвүнүң удуртукчузу Алдынай Салчак демдеглээн.

Барыын-Хемчик кожууннуң немелде өөредилге адырының шупту чаартылгалары, шынап-ла, уруг бүрүзүнүң чедиишкининче ажылдап турар. Уругларга чедиишкиннерни болгаш чаа тиилелгелерни күзедивис!

#минобразованиятыва #нацпроекты #нацпроект #образованиевприоритете #успехкаждогоребенка #дополнительноеобразование #национальныепроекты #тыва #рцрдо