Ак-Довурак хоорайның, Барыын-Хемчик база Чөөн-Хемчик кожууннарның корум-чурум ажылдакчылары «Элээди уруг»/«Подросток» деп оперативтиг-профилактиктиг операция иштинде школаларның улуг класстарынга тайылбыр беседаларны болгаш профилактиктиг рейдилерни эрттирген.

Шак ынчалдыр, профилактика субъектилериниң төлээлери элээди болгаш студент аныяктар-биле элээн каш ужуражылгаларны эрттирип, кадык амыдырал база хоралыг чаңчылдарның уржуктарының дугайында чугаалашкан.

Операцияның иштинде ажылчын бөлүктер чогуур кижизидилге талазы-биле, угарлыг газ, өрт айыыл чок чоруунуң база уругларның соок үеде даштыгаа үр үениң дургузунда турбазын болдурбазының дугайында профилактиктиг беседеларны эрттирген.

Тываның девискээринде декабрь 5-тен 9-ка чедир «Элээди уруг»/«Подросток» деп оперативтиг-профилактиктиг операция эртип турар дээрзин сагындыраалыңар. Шак ындыг хемчеглерни республиканың профилактика субъектилери чылдың-на эрттирип турар.

#ОперацияПодросток #Подросток #Профилактикаправонарушений #Тыва #МинобразованияТыва #ПодростокТыва