Бичии уругларга болгаш улуг улуска УДУРТУЛГА
Дыңзыг соокта канчаар камгаланырыл?

Езулуг кышкы үениң чаражы-биле чарашсынып магадаар дээр болза, элээн каш сүмелерни сактып алыры чугула, ол – соокта ботту база кышкы сооктарның уржуктарындан канчаар камгалаарыл.

ХЕП:

 Эмин эрттир хөй хеп кетпес, чугула чүүл – шын хепти тарыштырып алыры. Кыжын бөрт чок кылаштаары кадыкка хоралыг, а дыңзыг соокта – үжүп-доңарының чылдагааны. Доңганының бир дугаар шынарларынга кулактар, думчук база хол-бут хамааржыр. Холдарны дыңзыг сооктарда эки материалдан кылган хол-хаптар камгалаар. А перчаткалардан ойталааны күзенчиг, ол холдарны соокта эки чылытпас. Ол ышкаш дыңзыг соокта ювелир каасталгалар кедерин шеглээр болза эки, чүге дизе ол металл болгаш соокта кешти доңурар.

 Соокта дүктен кылган шык эрттирбес оттар салган идиктер кедери чугула. Идик ишти тар болбас ужурлуг, хостуг, кылын  дүктүг  уктар кедип алыр кылдыр. Дүк чүгле чылыгны салбас эвес, а харын-даа шык эрттирбес болгаш кижиниң буду кургаг болур.

 Бөрттү кулактарны дуглай кедип алыр, тон моюндуруун көдүрүп алыр. Бөрт биле хол-хаптарны бажың иштинге кедип алыр, чүге дизе дыңзыг соокта бичии үениң иштинде доңуп болур, ылаңгыя хан-дамыр аарыгларлыг улуска айыылдыг.

 Ыяап-ла моюн-ораар шарыттынып алыр. Боостаа эң-не кошкак кезек, каш минута дургузунда сооктадоңуптар болза, ангиналай берип болур.  Моюн-ораарны  карактарга чедир, думчук, аас, сегелди сооктан камгалаары-биле шарыттынып алыры чугула.

 Езулуг шын материалдардан азы «хай-тек» деп адаары спортчуларга тускай кылган профессионал хеп кедер болза эки. Тар, кешке өй хеп болгаш идик кетпес, шак ындыг хеп-биле үжүп-доңарының айыылы улуг, чүге дизе тар идик-хеп хан-дамырны чыыра тыртып тудар.

 Иштики хепти арыг дүктен кылган материалдан шилээни дээре, олар артык өл-шыкты сиңирип алыр. Арыг хөвеңден хепти шиливес болза эки, ол соок үеде өл-шыкты дүрген сиңирип алыр болгаш соодар. Ол ышкаш мага-ботта кеткен хептиң кылыны дески болур ужурлуг, чүге дизе мага-боттуң кайы-бир кезээ доңа бээрге, бүдүнү-биле доңар болур.

#Комплекснаябезопасностьдетей17 #ОсторожноМороз #РЦРДО #МинобрРТ