Сентябрь 22-ден 28-ке чедир «Россия – аргалар чурту» («Россия – страна возможностей») деп президентиниң платформазының «Абилимпикс» Каттышкан Национал чемпионадының белеткел чадазынга киришкен Тыва Республиканың VII Регионалдыг чемпионадының тиилекчилериниң санындан чеди кижиге байыр чедирген.

«Школачылар» категориязынга – «Ыяш чонары» деп мергежилге Айдын Усов; «Идик септелгези» мергежилге Айдажы Донгак киришкен.

«Студентилер» категориязынга – «Очулдурукчу» мергежилге СайхоТамдын; «Эмчи болгаш социал ажаалда» мергежилге Никита Якушенко; «Повар ажыл-ижи» Яна Монгуш; «Веб-дизайн» мергежилге Сереп Начын киришкен.

«Специалистер» мергежилинге - «Крючоктуг аргыыры» мергежилге Оксана Чамыян киришкен.

Оолдар, уруглар боттарының мергежил усчу-ажылын база арга-мергежилин эксперттерге көргүзүп, улуг жюриге боттарының регионун төлептиг бараалгаткан. Тиилелге кол эвес, а киржилге дээри дег, оолдар, уругларның шупту чүүлү оларның мурнунда! Ындыг бедик деңнелдиг маргылдааларга тергиин дуржулгалыг киржилге оларда ам бар. Силер тергиин силер!

«Абилимпикс» Каттышкан Национал чемпионаттың белеткел чадазынга оолдар, уругларның белеткел оруу май айда Тыва Республиканың «Абилимпикс» деп кадыының байдалы-биле кызыгаарлыг улустуң аразынга мергежил ус-ажылының талазы-биле регионалдыг чемпионаттан эгелээн турган дээрзин сагындыраалыңар. Аңаа регионнуң 14 өөредилге албан чериниң 99 конкурсантызы киришкен. Мергежилиниң бедик деңнелин көргүскеш, тиилелгеже чүткүл дээш чемпионаттың түңнелдери-биле 15 мергежил аайы-биле 48 кижи тиилекчи болгаш призерлар болган. Оларның аразындан 7 кижи «Абилимпикс» Каттышкан Национал чемпионаттың белеткел чадазынче кирген турган.