2022 чылдың декабрь 19-тан 23-ке чедир Тыва Республиканың ниити билиг организацияларында чаңгыс аай профилактиктиг хемчеглер календары езугаар психология неделязынга тураскааткан хемчеглер эртип турар.

Чарлаан тематиктиг неделя иштинде педагог-психологтар тематиктиг стендилерни, хана солуннарны кылып организастап, уруглар коллективтеринде өөреникчилерни деткииринче болгаш бот-боттарынга дузалажырынче, сырый каттыжылгаже угланган класс шактарын, профилактиктиг болгаш медээлиг акцияларны, тренингтерлиг, оюннуг болгаш сайзырадыр кичээлдерни эрттирип турар. Ол ышкаш хүндүткелди, бот-боттарынга болгаш өөредилге ажыл-чорудулгазының өске киржикчилеринге шыдамык чорукту, өөреникчилерниң база башкыларның психологтуг мергежилин бедидери хамааржыр.

Психология неделязын Тыва Республиканың Өөредилге яамызының ГБУ РЦПМСС «Сайзырал» Республиканың психологтуг-медиктиг-социал үделге төвү эрттирип турар.

#Неделяпсихологии17 #Педагогипсихологи #Сайзырал #Тыва #МинобразованияТыва