«По велению предков/ Өгбелерниң чагыы-биле» деп профилактиктиг акция иштинде Тываның тудуг техникумунуң студентилери Институт развития национальной школы кол эртем ажылдакчызы, шүлүкчү, литература шинчилекчизи, Тываның Чогаалчылар эвилелиниң кежигүнү, Росия Федерациязының өөредилгезиниң хүндүлүг ажылдакчызы, тыва литература номнарының автору Лидия Ооржак-биле ужурашкан.

Ужуражылга-чугаа өзүп орар салгалдың үнелиг угланыышкын системазының шын хевирлээринге дузалыг сорулга-биле эрткен. Лидия Ооржак студентилерге шын ыяк бодамчалыг чоруктарның чугулазының дугайында, бистиң амыдыралывыска кылып турар чорук-херектеривис кандыг салдарлыгыл дээрзин чугаалап берген. Ол бүгүнү студентилерге оларның сагыыр болгаш хүндүлээр ужурлуг тыва чоннуң кол ыдыктыг чагыглары таварыштыр чедирген. Чугаа соонда студентилер лекторга ооң чагыгларын, чагыг-сүмезин сагыыр база республиканың төлептиг хамаатылары болур дээрзин аазааннар.

Акция республиканың техникумнар болгаш колледжтер студентилеринге мөзү-бүдүш сайзырадырынче болгаш оларның аразында хоойлу-дүрүм үрээр чоруктарны болдурбазы-биле угланган дугайында сагындыраалыңар. Акцияга киржип тура, студентилер боттарының мөзү-бүдүштүг алдынарын хайгаараар, чүге дизе Ак айда кылганы шупту сагыш-бодалдар болгаш ажыл-херектер хөй катап көвүдээр.

#минобразованиятыва #ТоолзугТоолай #Ушастыйновыйгод17 #Шагаа2023