Тываның ортумак профессионал өөредилге албан черлеринде национал байырлал Шагаага тураскааткан «Өгбелерниң чагыы-биле/ По велению предков» деп профилактиктиг акция уламчылап турар. Бо удаада акцияга Тувинский политехнический техникум студентилери киришкен.

Акцияның иштинде оларга религиоведение доктору, религиоведение секторунуң эргелекчизи Ульяна Бичелдейниң удуртулгазы-биле ТИГПИ - ТИГИ - ТНИИЯЛИ ажылдакчылары-биле солун ужуражылганы организастаан. Хемчегге ол ышкаш ТИГПИ-ниң религиоведение секторунуң эртем ажылдакчызы, социология эртемнериниң кандидады Байлак Тензин, религиоведение секторунуң эртем ажылдакчызы Айлана Монгуш база религиоведение секторунуң кол специализи Солангы Хумбун олар киришкен.

Институттуң эртемденнери уругларга Шагаа байырлалының езулалдарының болгаш чаңчылдарының дугайында чугаалап берген. Чөөн чүк ай санаашкыны-биле Чаа чылды канчаар уткуурун база тыва чондан аңгыда, кандыг чон чөөн чүк календары-биле Чаа чыл уткуурун тайылбырлап берген. Хүндүлүг аалчыларның тайылбырындан уруглар Шагаа байырлалының утказы ооң бодунуң-на «Шагның чаазы» деп адында, чаа үе, чаа чада, чаартылга дээнин билип алган. Студентилер Ульяна Павловнаны улуг сонуургал-биле дыңнап, чолукшулга езулалынга киришкеннер.

«Аныяктарны кижизидери, бурун шагдан кижилерни каттыштырып, оларны күштүг болгаш быжыг кылып турганы бодунуң чонунуң культуразын, чаңчылдарын база езулалдарын хүндүлеп билири – ужуражылганың эрттирген кол сорулгазы» - деп, хемчегниң аалчылары демдеглээн.

Солун ужуражылга дооступ турда, техникумнуң хоойлу-дүрүм үрээр чорук профилактиказының талазы-биле социал педагогу Чимис Тюлюш акцияның киржикчилеринге Республиканский центр профобразования организаторларының ажылдап белеткээни тематиктиг буклеттерни үлээн.

#минобразованиятыва #повелениюпредков #ТоолзугТоолай #Ушастыйновыйгод17 #спо_рт