Республиканың өөредилге албан черлериниң башкылар аразынга «Чылдың башкызы - 2023» деп профессионал мергежил мөөрейиниң муниципалдыг чадазы эгелээн.

Мөөрейниң хемчеглери ТР-ниң Лицей-интернадының баазазында болуп эртип турар. Профессионал мергежил мөөрейинде республиканың 5 аңгы өөредилге албан черлериниң тергиин башкылары киржип турар.

Киржикчилерге Р.Д. Кенденбиль аттыг Республиканың уран чүүл школа-интернадының сан башкызы Артем Донгак, ТР-ниң Лицей-интернадының орус дыл болгаш чогаал башкызы Сюзана Көк-кыс, Тываның кадеттер корпузунуң орус дыл болгаш чогаал башкызы Айлаң Куулар, ТР-ниң Күрүне лицейиниң англи дыл башкызы Диана Ооржак база ТР-ниң Аграрлыг лицей-интернадының англи дыл башкызы Айлана Донгак олар хамааржыр. Олар шупту - профессионал бедик мергежилдиг башкылар, кижи бүрүзү – бодунуу-биле өөреникчилерни өөредир тускай методикалыг, янзы-бүрү аргаларлыг болгаш дуржулгалыг.

Киржикчилер мөөрейниң «Профи башкы» болгаш «Кижизидилге ажылы» деп 2 чадазынга боттарының профессионал мергежилин шенешкен. Кижизидилге кичээлиниң темазы лицейниң амгы үеде херээжен кижиниң ниитилелге ажык-дузазынга турскааткан неделязынга дүүштүр шилээни кайгамчык болган.

Мөөрейниң шылгалдалары бөгүн доостур. Киржикчилерге чедиишкиннерни күзедивис!

#минобразованиятыва #ГодПедагогаНаставника #ГПН_2023 #Годпедагога2023 #УчительГода2023