Республиканың ниити билиг албан черлериниң аразында «Чылдың башкызы - 2023» деп профессионал мергежил мөөрейиниң муниципалдыг чадазының ажылы доозулган.

Мөөрейниң бирги ээлчээниң түңнелдери-биле ийиги ээлчегже 3 киржикчи үнген:

Кок-Кыс Сюзана Иргитовна, Тываның республика лицей-интернадының орус дыл болгаш литература башкызы;
Донгак Артем Анай-оолович, Р.Д.Кенденбиль аттыг республиканың уран чүүл школазының математика башкызы;
Ооржак Диана Сергеевна, Тыва Республиканың Күрүне лицейиниң англи дыл башкызы.

Мөөрейниң киржикчилери боттарының мергежил болгаш чогаадыкчы салым-чаяанныын, а ол ышкаш альтернативтиг аргаларны база амгы үениң технологияларын ажыглап билирин бараалгаткан. «Чылдың башкызынга айтырыг”/ “Вопрос учителю года» деп киржикчилер-биле шылгалда диалогту Тываның Өөредилге яамызының парлалга албаны парлалга-аргазы хевирлиг кылдыр эрттирген.

Номинация:
«Чаартыкчы башкы”/ “Учитель – новатор” - Донгак Артем Анай-оолович, Р.Д.Кенденбиль аттыг Республиканың уран чүүл школазының математика башкызы.
Мөөрейниң лауреады:
Кок-Кыс Сюзана Иргитовна, Тываның республика лицей-интернадының орус дыл болгаш литература башкызы.

Республиканың ниити билиг албан черлериниң аразында «Чылдың башкызы - 2023» деп профессионал мергежил мөөрейиниң муниципалдыг чадазының тиилекчизи кылдыр Тыва Республиканың Күрүнениң лицейиниң англи дыл башкызы Ооржак Диана Сергеевна ол болган.

Ук мөөрейниң киржикчилери дипломнар болгаш акша үнелиг сертификаттар-биле шаңнаткан. Шупту тиилекчилерни бедик шаңналдары-биле байыр чедирип, мергежил ажыл-чорудулгазында чедиишкиннерни, аас-кежикти база «Тыва Республиканың Чылдың башкызы - 2023» деп мөөрейниң регионалдыг чадазынга тиилелгени күзедивис!

Республиканың ниити билиг албан черлериниң аразында «Чылдың башкызы - 2023» деп профессионал мергежил мөөрейиниң муниципалдыг чадазының тиилекчизи мөөрейниң регионалдыг чадазынга киржир дээрзин сагындыраалыңар.

#минобразованиятыва #ГодПедагогаНаставника #ГПН_2023 #Годпедагога2023 #УчительГода2023