Кремльдиң сайтызында дыңнадып турары-биле, Россияның Президентизи Владимир Путин сайыттар кабинединге инвалид уруглар болгаш аныяктарны эртем болгаш эртем-шинчилел ажыл-чорудулгазынче хаара тудар, а ол ышкаш эртем адырында эргелеп башкарар кадрлар курлавырын тургузарынга чаңгыс аай аргаларны ажыглаарын болгаш ажылдап кылырын хандырар даалганы берген.

Даалганы декабрь айда болуп эрткен эртем болгаш өөредилге адырында эргелеп башкарар кадрлар хөгжүдер программаның II Аныяк эртемденнер болгаш дыңнакчылар улуг хуралының киржикчилери-биле ужуражылга соонда берген.

«Эртем болгаш технологиялар он чылдарны эрттирериниң иштинде инвалид болгаш кадыының байдалы-биле кызыгаарлыг уруглар болгаш аныяктарны эртем (эртем-шинчилел) ажыл-чорудулгазынче хаары тударынче угланган хемчеглерни боттандырарын хандырар» - деп, документиде бижиттинген.

Чазак 2023 чылдың июнь 1-ге чедир илеткелди бээр ужурлуг.