Шериг келдиртир назынны өскертири өөреникчилерден негелдени эвээжедир арганы бээр болгаш “школачыларны болгаш студентилерни шериг комиссариаттарынче шериг келдиртиринден хуусаазын узадып бээри-биле холбашкан хемчеглерге киржири-биле кыйгыртырын соксадыр” деп хоойлу төлевилелиниң тайылбыр бижиинде бижиттинген.

Шериг албанын шеригже келдирткен аайы-биле эртпээн болгаш курлавырже хоойлу езугаар барымдаа чокка кире берген аныяк улус ам хуусаалыг шериг албанынче күзели-биле барып болур аргалыг.

18 хар четкен хамаатылар шериг албанын шеригже келдирткени-биле чаа шериг келдиртир назын (21 хар) чеде бээрге, эртип болур.

Хоойлу төлевилели шилчилге үезин 2026 чылга чедир көрдүнүп турар. Ол дээрге, 2024 чылда шериг албанынче 19-тан 30 харга чедир, 2025 чылда – 20 хардан эгелеп, 2026 чылда – 21 хардан тура, келдиртир.

Чаа өскерилгелер мигрантыларга база хамааржыр. Россияның хамаатызы болган 30 харга чедир улус шериг учедунче “Шериг хүлээлгезиниң болгаш шериг албанының дугайында” № 9 ФЗ-ниң 4 чүүлү езугаар туруп алыр ужурлуг.

https://sozd.duma.gov.ru/bill/312507-8

Чурукту интернет четкизинден алган.