Республиканың профессионал өөредилге албан черлеринге Башкы болгаш дагдыныкчы чылынга тураскааткан «Чылдың мастери - 2023» деп мергежил уран арга мөөрейиниң шилилге чадазы болуп эрткен. Мөөрей мергежил уран аргазын бедидеринче, мурнакчы башкы дуржулгазын нептередиринче, чогаадыкчы башкыларны деткииринче болгаш башкы ажылдакчыларның ат-алдарын көдүреринче угланган.

Мөөрейниң шилилгези 3 чадага болуп эрткен:
Бирги чадада киржикчилер чаартылгалыг практиканы команда ажылында өөредилге шыгжамыры таварыштыр шиитпирлээрин ажыглап билирин көргүскен.
Ийиги чадада «Ажык онлайн-семинар» деп өөредилге кичээлиниң хевири-биле эрттирген, аңаа киржикчилер онлайн-технологияларны ажыглаары-биле өөредилге кичээлин анализтээр болгаш эрттирер талазы-биле мергежилин бараалгаткан.
«Мергежилче ынакшыдар” («Влюбить в профессию") деп түңнел чадазында киржикчилер ук мергежилди шилип алганының тайылбырының дугайында дыңнакчыларның аңгы-аңгы категорияларынга чугаалап берген.

Шилилге чадада 100 ажыг кижи киришкен. Ол дээрге бистиң техникумнарның тускай мергежилдериниң башкылары болгаш бүдүрүлге өөредилгезиниң мастерлери. Ооң түңнелинде 13 тиилекчи Кызыл хоорайга апрель 3-тен 8-ке чедир болуп эртер регионалдыг чадаже үнген.

Региналдыг чаданың тиилекчизи 2023 чылдың сентябрь 28-те Тула хоорайга болуп эртер Бүгү Россияның мергежил уран аргазының мөөрейиниң түңнел чадазынга киржир.

#минобразованиятыва #мастергода2023 #анонсы #спо_рт #конкурспрофмастерства