Дош бадар болгаш хемнер кырының дожу чугалап турар үеде суг объектилеринге назы четпээннерниң айыыл чок чоруун хандырар сорулгалыг Енисей хемниң эриинге Служба ГО и ЧС Республики Тыва –биле кады республикада профилактиктиг рейдилер чоруттунуп турар.

Республиканың немелде өөредилге сайзырадыр төптүң ажылдакчылары кады чоруттунуп турар рейдилер иштинде тайылбыр беседаларны дүрген дуза чедирер албан черлериниң долгаар дугаарларын айтып каан медээлиг буклеттерни үлеп, сугга таварылгаларны болдурбас сорулгалыг эрттирип турар. Назы четпээн уруглар-биле чугаа үезинде специалистер часкы доштуң айыылының улуунуң дугайында сагындырып, уругларның айыыл чок чоруунче онза кичээнгейни угландырары чугула дээрзин тайылбырлап турар.

Онза байдалдыг таварылгалар болу бергенде, дарый 112 дүрген дуза чедирер телефонче долгаарын сагындырып турар! Телефон долгаары халас.

Чугула! Дош бадар болгаш хемнер кырының дожу чугалап турар үеде суг объектилеринге улуг улус үделгези чок чоруп уругларны болдурбас! Ылаңгыя дош кырынга оюннар хоруглуг! Ажы-төлдү кадагалаңар!

#минобразованиятыва #РЦРДО #безопасностьдетей #профилактическиерейды17 #ОсторожноТонкийЛёд #важно