Тоора-Хем суур Тываның эң-не кайгамчык бойдус чурумалдыг кожуунунда, ак-көк хөлдер болгаш ногаан тайга-сынныг черде.

Бо чылын Тоора-Хем суурнуң школазы чуртта 2022 чылда эгелээн “Школа системазының өөредилге чаартылгазы” деп программаже кирген. Чаа өөредилге чылының бирги улдуңу эгелээрге, бузуп-чазар ажылдар болгаш септелге ажылдарынга белеткел эгелээр. Даштыкы-даа, иштики-даа хевири долузу-биле чаартынар. Ол ышкаш септелге ажылдары доостурга, эт-сеп база оргтехниканы тургузар.

Серизи, шалазы, соңгалары, школаның даштыкы хевири, чылыдылга системазы долузу-биле чаартынар.

Өөредилге чорудуу доктаавас дээрзин сагындыраалыңар. Уруглар өөредилгезин болгаш класстан дашкаар ажыл-чорудулгазын бадылаан расписание езугаар чорудар.

Дирекция Школа
#минобразованиятыва #капремонтшкол #модернизацияшкольныхсистемобразования #школытувы #минпросвещениярф