Тываның Мөңгүн-Тайга кожууннуң эң-не ыраккы черинде  Кызыл-Хая суурда чаа 176 олуттуг амгы үениң школазының тудуу эгелээн. Шак-ла ындыг хевирлиг школалар Ийи-Тал болгаш Ак-Эрик суурларда ажылдап турар. Төлевилел эки болгаш онзагай. Бир чыл болгаш “Маңаа школа турар” деп бижиктиг демдек болур даш орнунга, Кызыл-Хая суурга, чаа улуг школа туттунуп үнер. Кызыл-Хая суур чедери берге болгаш бедик даглыг чер кылдыр санаттынар – далай деңнелинден бедии 2,5 муң метр ажып турар.

Амгы үеде “Бастион” КХН-ниң хүлээникчизи тудуг ажылдарының чоруттунар черин херимнээн, фундамент тудуп үндүрер оңгарын белеткеп каан, объектиниң суг алыр черин казып белеткээн. Тус черниң чурттакчылары, ылаңгыя ажы-төлү, улуг сонуургал-биле үстүкү деспектен, оларның чугаалап турары-биле, “үшкү каъттан” тудуг ажылдарын хайгаарап турар.

Тывада “Өөредилге” национал төлевилелдиң иштинде 10 чаа школа тудуу чоруттунуп турар, оларның 6-зы көдээ черлерде туттунуп турар дээрзин сагындыраалыңар.

#минобразованиятыва #нацпроект #образованиевприоритете #новыешколы #строительствошколвтуве #национальныеприоритеты