Чайгы үеде назы четпээннерниң аразынга кем-херек үүлгедиишкиннерин болдурбас талазы-биле чугула айтырыгларның бирээзи – уругларның хостуг үезин организастаары.

Тываның кадет корпузунуң баазазынга «Чайгы кадыкшыдылга кампаниязын организастаары болгаш белеткели. 2023 чылдың Чайының уг-шии» деп темага республика чергелиг семинар болуп эрткен. Аңаа уруглар лагерьлериниң удуртукчулары болгаш ажылдакчылары лагерь ээлчеглериниң болгаш нормативтиг документилериниң программаларын ажылдап кылырының, кадрларның арга-мергежилин илередириниң база профессионал стандарттарының, методиктиг номнарының, оюннар практиказының база ниити лагерьниң хемчеглериниң дугайында билип алган.

Бо хүнде майгынныг лагерьни организастаары – уругларның чайгы дыштанылга талазы-биле эң-не нарын айтырыгларның бирээзи. Бо чылдан эгелеп, хоорайдан дашкаар лагерьлер баазазынга бир дугаар майгынныг лагерьлерни ажыдарын шиитпирлээн.

ТР талазы-биле Росхереглелхайгаарал эргелелиниң хайгаарал болгаш профилактика хемчеглериниң килдизиниң инспектору Ольга Кудрявцева семинарның киржикчилеринге майгынныг лагерьлерни организастаарының талалары-биле таныштырган. А санитар хайгаарал килдизиниң начальниги Виктория Хелин-оол башкыларны 2022 чылдың лагерьлериниң хайгаарал хыналдаларының түңнелдери-биле таныштырган.

Хемчегге 190 ажыг кижи хаара туттунган.

#ЛетовЦентреАзии #ЛетнийотдыхвТуве #ЛагеряТувы #МинобразованияТыва #Летняяоздоровительнаякампания #Лето2023