Күрүне филармониязынга “Чылдың башкызы” деп башкыларның профессионал арга-мергежил мөөрейиниң регионалдыг чадазының байырлыг ажыдыышкыны болуп эрткен.

 Апрель 3-7 - «ТР-ниң Чылдың башкызы - 2023». Мөөрейниң бирги чадазын «Башкы – профессионал» («Учитель – профессионал») ажыткан, улаштыр программада мөөрейниң шылгалдалары - «Кичээл» («Урок»), мастер-класстар болгаш оон-даа өске.
 Апрель 4-6 - «Чылдың башкызы. Аныяк специалист - 2023».
 Апрель 3-7 - «ТР-ниң Чылдың кижизидикчи башкызы - 2023». Мөөрейге школа назыны четпээн өөредилге албан черлериниң башкылары киржир. Киржикчилерниң жеребевказы болган, оон «Мээң башкы олчам» («Моя педагогическая находка») деп мөөрей шылгалдалары уламчылаар.
 Апрель 3-7 - «ТР-ниң Чылдың мастери - 2023». Мөөрейни «Мен – мастер мен» («Я - мастер») чадазы ажыткан. Улаштыр программа езугаар «өөредилге кичээлдери» болур. А мөөрейни «Тускай эртемге ынакшыыры» («Влюбить в профессию») деп шылгалда доозар.
 Апрель 3-7 - «Бүгү Россияның тыва дыл, орус дыл-биле катай, дылдарның мастер-клазы» («Всероссийский мастер-класс учителей родного, включая русский, языков – 2023»). Мөөрей тыва дыл болгаш орус дыл башкыларын, муниципалдыг чаданың тиилекчилерин хаара тудар.
 Апрель 3-6 - «Кижини кижизидери - 2023» («Воспитать человека - 2023»).
 Апрель 3-5 - «ТР-ниң Чылдың директору - 2023».
 Апрель 4-6 - «ТР-ниң педагог-психологу - 2023».
 Апрель 3-6 - «ТР-ниң тергиин эр башкызы – лидер болгаш дагдыныкчы - 2023» («Лучший педагог-мужчина – лидер и наставник РТ - 2023»).

 «Бо чылын мөөрей онза ужур-уткалыг болуп, Башкы болгаш дагдыныкчы чылында, Чоннуң чаңгыс эп-сеткил чылында база Россияның педагогик үндезилекчизи Константин Ушинскийниң төрүттүнген хүнүнден 200 чыл болуп турар чылында эртип турар. Ынчангаш бо байырлал, башкы арга-мергежилдиң байырлалы болгаш, уттундурбас болур. Бо байырлалды чүгле Силер – башкы күш-ажылдың мастерлери боттандырар силер» - деп, Тываның өөредилге сайыдының хүлээлгезин күүседип турар Елена Хардикова демдеглээн.

Ниитизи-биле мөөрейде Тываның 175 башкызы киржип турар.

#минобразованиятыва #ГПН_2023 #ГодПедагогаНаставника #ГодПедагога2023 #педклассы #конкурсыпедмастерства #учительгода #УчительГода2023