Тываның улуг класстар өөреникчилериниң 60 командазы «1418» деп онлайн хевирге эртип турган  Бүгү Россияның төөгүлүг угаан оюнунга коштунган. Ниитизи-биле команданың тургузуунче 412 уруг кирген.

Оюн 1941-1945 чылдарның Ада-чурттуң Улуг дайынының болуушкуннарынга тураскааткан. Тур бүрүзү 20 айтырыглыг. Киржикчилер боданыр штурм аргазын ажыглап, 30 секунда дургузунда айтырыгларга харыылап турган.

«1418» оюннуң бир кол сорулгазы, а шуут-ла Ада-чурттуң Улуг дайынының ол хире хүн үргүлчүлээни – өзүп орар салгалга төөгүлүг чырыдыышкын. Организаторлар школачылар болгаш студентилерни хаара тудуп турары дээрге, оларның сонуургалын ада-чурттуң төөгүзүн өөрениринче база өгбелериниң маадырлыг чоруктары дээш чоргааралдыг болурунче кижизидеринче угланган. Бо чылын оюнну «Диктант Победы» Бүгү делегейниң акциязынга белеткел иштинде эрттирген.

Оюннуң тиилекчилери хууда-даа, команда-биле-даа илереттинип турган. Уруглар түңнелдерин оюннуң албан езузу-биле сайтызындан көрүп ап болур. Тиилелгеже чүткүп, төөгүнү эки билирлерни ажып шыдаваан-даа болза, киржикчиниң сертификадын алыр – ол  волонтерыпобеды.рф сайтта бар. Ону алырда, чүгле 3 “базым” херек: хууда кабинет (личный кабинет -> раздел «Я - Волонтер Победы» -> скачать сертификат), «Я - Волонтер Победы» кезээ, сертификатты үндүр базып алыр.

Бүдүн чуртта дөрт дугаар чыл эртип турар «1418» оюннуң организаторлары Министерство просвещения Российской Федерации , Россияның шериг-төөгү ниитилели, Россияның күрүнениң гуманитарлыг университединиң база «Историческая правда» ФПП-ниң деткимчези-биле «Волонтеры Победы» болуп турар.

#минобразованиятыва #патриотика #ВолонтерыПобеды #1418 #ДиктантПобеды