Яна Кожага – Экономиканың дээди школазының «Юриспруденция» программазының студентизи Бүгү делегейниң Спортчу арбитраж судунуң моделиниң (CAS) түңнел чадазынга киришкен. Хемчег Москва хоорайга МГИМО университединге болуп эрткен. Аңаа янзы-бүрү университеттерден 200 ажыг студентини каттыштырган. Модельдиң дылдары кылдыр орус биле англи дылдар болган.

Мөөрейниң түңнели-биле Янаның командазы МГУ, МГИМО, ВШЭ, СПбГЭУ, ГУУ студентилери үшкү черни чаалап алган. Модельдиң партнерлары болгаш эксперт жюризи кылдыр МГИМО, РУСАДА, «Библиоглобуса», Россияның Юристер ассоциациязы, Россияның Олимпийжи комитеттиң төлээлери болган.

Киржикчилер дөрт хүн дургузунда Лозанна биле Швейцарияга спорт адырында маргыш шиитпирлээр талазы-биле бүгү делегейниң дээди инстанцияларның ажылын катап тургускан. Мөөрей үезинде студентилер улуг ажылды чоруткан: хуралдарга киржип, суд практиказындан таварылгаларны идепкейи-биле дилеп, хомудал шиитпирлерин белеткеп, ийи таланың туруштарын камгалап база палата бүрүзүнүң иштинде суд доктаалдарын үндүрүп турган.

«Мен эгезинден тура, суд палатазынга бодумнуң юридиктиг англи дыл билиимни практика кырынга хынаары-биле англи дыл кырынга киржир деп шиитпирлээн турган мен. Белен эвес болганы, шын, ынчалзажок, менде ам кайгамчык дуржулга бар» - деп, Яна үлешкен.

Шак ындыг бүгү делегей чергелиг төлевилел бистиң чуртувуста бир дугаар боттандырып турар болгаш, ол студентилерниң спортчулар болгаш спортчу эргелерин камгалаар адырда билииниң деңнелин бедидеринче угланган.

Улаштыр оон-даа хөй чедиишкиннерни күзедивис!

#минобразованиятыва #конкурс #МГИМО