Понедельник санында республиканың өөредилге организацияларынга кичээлдер «Чугула чүүлдүң дугайында чугаалар» деп класстан дашкаар кичээл-биле эгелээри чаңчылчаан. Бо удаада чаа неделяның «Чугула чүүлдүң дугайында чугаалар» кичээлдиң темазы “Күш-ажыл хүнү” болган. Ук теманы чылдың-на демдеглеп турар Май 1 байырлалынга тураскаадып, өөреникчилерге делегейниң хөй янзылыг мергежилдерниң дугайында сонуургаткан.

Класс башкылары өөреникчилер-биле катай кижиниң амыдыралында күш-ажылдың кайы хире чугулазының, амгы делегейде эргежок чугула мергежилдер, янзы-бүрү мергежилдерниң кижилеринге хүндүткелдиг хамаарылгазының дугайында чугаалашкан. Кичээлдер үезинде видеоматериалдардан өөреникчилер бир дугаар Россия Федерациязының Күш-ажылдың Маадырларының, бистиң чуртувуста ук аттың албан чериниң төөгүзүнүң дугайында билип алган. Ол ышкаш өөреникчилерни келир үениң мергежилдери-биле Стратегиялыг инициативалар агентилелиниң эксперттериниң база «Сколково» Москваның башкарылга школазының ажылдап кылганы «Атлас новых профессий» дээр мультимедиа таныштырган.

Күш-ажылдың Маадыры кылдыр кандыг-даа мергежилдиң кижизи болуп болур, шынчы ажылдап чоруур болгаш бодунуң коллегаларынга үлегер болур кандыг-даа ажыл-чорудулга адырындан-даа хамаарылга чокка. Эң-не кол чүүл – амыдыралда бодунуң ынак ажыл-херээн тып алгаш, бодунуң күш-ажылының чогаадыкчы күжүн медереп билири. Кижи бүрүзүнге бодунуң ажыл-херээн тып алырын күзедивис! Шупту мергежилдер чугула, шупту мергежилдер херек!

Чуруктарны интернет четкизинден алган.

#минобразованиятыва #разговорыоважном #Деньтруда