Республиканың школаларының доозукчуларынга «Сөөлгү коңга» хемчээн эрттирер хүннү тодараткан.

Чогуур доктаалга өөредилге сайыдының хүлээлгезин күүседип турар Елена Хардикова атты салган. Документи езугаар республиканың школаларынга байырлыг хемчег вторникте, май 23-те, болуп эртер.

Май 23-те доозукчулар, башкылар, ада-иелер болгаш байырлалдың аалчылары школачы үениң доозулганын демдеглээн байырлыг хемчегге чыглып келир.

Бо чылын Тываның школаларын 2103 доозукчу доозар.

Доозукчуларның мурнунда шылгалалар манап турар, оларга ГИА дужаап алырынга чедиишкиннерни күзедивис!

Чурукту яамының албан езузу-биле архивинден алган.

#минобразованиятыва #последнийзвонок #анонсы #выпускник #гиа #егэ #огэ