Хүндүлүг чаңгыс чер чурттугларывыс! Эргим тылдың хоочуннары база ажыл-ишчилери!

Улуг байырлал – Тиилелге хүнү таварыштыр чүректиң ханызындан байыр чедириишкинин чедирип тур мен!

Май 9 – ада-чурттуң төөгүзүнүң ыдыктыг хүнү. Бо байырлал, кижи бүрүзүнге эң-не чоок болгаш чүрекке эң-не эргим хүннү, бис кезээде онза хөлзээшкин-биле манап турар бис. Барык сес он чылдар дургузунда шак ол шагдагы майның хүнүн сагындырып, кажан фашистиг Германияның чылча шавыышкынынга түңнел кезээн салган соонда, ол бодунда өөрүшкүнү болгаш аарышкыны илередип чоруур. Бистиң Улуг чуртувус шак ол дайынга бистиң кырган-ачаларывыс болгаш адаларывыстың эрес-дидим чоруу база күзел-соруунуң ачызында шыдажып эрткен!

Ыраккы шак ол үелерде бистиң Тыва Арат Республикавыс Тиилелгеге үнелеп четпес салыышкынны киирген. Ада-чурттуң Улуг дайынының фронтуларынга бистиң чаңгыс чер чурттугларывыс – адаларывыс, кырган-ачаларывыс болгаш ада-өгбелеривис тулчуп чораанннар, эрес-дидим херээжен чонувус дугайында база утпас бис. Бо хүн бис чаңгыс дем-биле бодувус чуртувусту, бодувус чонувусту, ажы-төлүвүстү камгалап чоруур бис! Ол шынар бистиң национал сеткиливисте, бистиң ханывыста, алыс күзелдерде, езу-чаңчылдарывыста болгаш тиилекчилерниң салгалының биске чүс чылдарда чагаан ыдык чүүлдерде. Нацизмни агартыр кандыг-даа оралдажыышкыннарга болгаш төөгүнү катап бижииринге туржур бис.

Хүндүлүг хоочуннарывыс! Силерге быжыг кадыкшылды, сагыш-сеткилдиң сергээн, өөрүп четтирген салгалдың сагыш човаашкынын болгаш ынакшылын күзедим! Черге дегзи мөгеейигни болгаш кызыгаар чок өөрүп четтириишкинни силерге! Эргим чаңгыс чер чурттуглар, силер шуптуңарга тайбың дээрни, аас-кежикти болгаш менди-чаагайны күзедим!

Ханы хүндүткел-биле,
Тыва Республиканың өөредилге сайыды Елена Хардикова.