Улуг-Хем кожууннуң “Чодураа” доктаамал лагерьниң баазазында “Күзел” деп бир дугаар майгынныг лагерь-спутник ажыттынып, уругларны хүлээп алган. Лагерьниң девискээринде таарымчалыг, уруглар чурттаарынга тускай дериттинген майгыннарны тургускан. Ында 8 хардан 15 харга чедир 23 кижизидикчи дыштанып турар.

Ээлчег 7 хүн үргүлчүлээр. Шак ол үе дургузунда дыштанып турар уруглар чаа арга-мергежилдерге өөренип, чаа эш-өөр-биле найыралдажып, арыг агаарга мага хандыр дыштаныр аргалыг. Лагерьде оларга солун кичээлдер, спортчу хемчеглер, оюннар болгаш чогаадыкчы даалгалар удаа-дараа эртип турар.

Уруглар-биле дуржулгалыг вожатыйлар ажылдап, уругларның айыыл чок чоруун хайгаарап, эргежок чугула таварылгада дуза болгаш деткимчени кадар.

Лагерьде уругларга чүгле сонуурганчыг кичээлдер эвес, а арга-дуржулгалыг поварларның амданныг чаагай чемин база белеткээн. Уруглар дыштанып турар ээлчег үезинде хүн чурумун сагыыры-биле таарымчалыг болгаш айыыл чок дыштанып турарлар. Майгынныг лагерь – бойдуска, ажык агаарга, чаа эш-өөр-биле ойнап-хөглеп алыр дыка эки арга.

#минобразованиятыва #лок2023 #лагерятувы #детскийотдых #палаточныйлагерь