«Айыыл чок чай» («Безопасное лето») деп малчын аалдарда дыштанып турар уругларның айыыл чок чоруун хандырарынче угланган хемчеглерниң иштинде, албан черлериниң төлээлери чайгы үеде назы четпээннерниң кемдээр болгаш озал-ондактыг таварылгаларны болдурбазы-биле база чайладыр сорулгалыг малчын турлагларже үнүүшкүннүг хемчеглерни эрттирип турар.

Муниципалдыг Өөредилге эргелелдериниң берген медээзи езугаар, амгы үеде 360 назы четпээн уруг дыштанып турар 251 малчын аалды хынаан. Чайгы дыштанылгазын малчын аалдарга эрттирери-биле эң-не хөй уруг хаара туттунган кожуун – Өвүр кожуун. Ында 49 малчын аалда 122 уруг дыштанып турар.

Профилактика субъектилериниң ажылдакчыларының демдеглеп турары-биле, уругларның чүгле айыыл чок чоруун хандырар эвес, а уругларның турар аалдарында таарымчалыг, эки байдалда турар дээрзин база хайгараап хынаары эргежок чугула.

Хемчеглер чайгы дыштанылгалар төнчүзүнге чедир уламчылаар.

#минобразованиятыва #чабанскиестоянки #детскийотдых #безопасноелето #каникулы