Краснодар крайның Туапси районунда бо хонуктарда «Чедиишкин мастерскаязы» («Мастерская успеха»,) деп IX Всероссийский профсоюзный тренинг-лагерь эртип турар. Ооң сорулгазы – башкыларның мөөрейлер аразында үделгези болгаш оларның улаштыр мергежил маргылдааларынга белеткели.

Шак ынчалдыр, июль 3-тен 13-ке чедир, 10 хүн дургузунда тренинг-лагерьниң ажылының иштинде методиктиг лекциялар, дуржулга солчулгазы, «төгерик столдар» база консультациялар. Өөредилге чаа технологиялар болгаш хевирлерни ажыглап эртип турар.

Тренинг-лагерьде Бүгү Россияның регионалдыг чадазының тиилекчилери - «Чылдың кижизидикчи башкызы-2023», Кызылдың № 3 уруглар садының логопед башкызы Татьяна Галкина, «Чылдың башкызы-2023», Чеди-Хөл кожууннуң Хову-Аксы суурнуң англи дыл башкызы  Алдын-кыс Куулар олар киржип турар.

Ук тренинг-лагерьде киржилге бистиң башкыларга боттарының арга-мергежилин, билиин, мергежилиниң дуржулгазын бараалгадып, мөөрейниң түңнелинде республиканың адын төлептии-биле төлээлээр тергиин арганы бээр. Башкыларывыска чедиишкиннерни күзедивис!