Тывада күрүне шылгалдаларын 100 баллга дужааган доозукчуларның аттары билдинип эгелээн. Ол дугайында Тываның Баштыңы Владислав Ховалыг социал четкилерде арынында дыңнаткан.

Владислав Ховалыг, Тываның Баштыңы:

«Кызылдың президентиниң кадет училищезиниң доозукчузу Вера Скаридова химия шылгалдазында 100 баллды алган. Ол химияны сонуургаар, профильдиг олимпиадаларга болгаш мөөрейлерге тиилеп турган. Алдын медаль-биле доозар кордакчыларның санында. Келир үеде шериг эмчизи мергежилди шилип алган. Санкт-Петербургтуң С.М. Киров аттыг шериг-медицина академиязынче дужаап кирер дээш белеткенип турар. Доозукчунуң шылгалдаларда бедик көргүзүү – КПКУ-нуң химия башкызы Азиана Кан-Маадыровна Зайцеваның база ачызы. Байыр чедирип тур мен!».