Республиканың аңгы-аңгы өөредилге албан черлериниң башкылары аныяк-өскенни төрээн черинге ынак болур кылдыр кижизидеринден аңгыда, Төрээн чуртунуң камгалакчыларынга боттуг дузаны чедирип турарлар. Бо удаада Тес-Хем кожууннуң башкылары тускай шериг операциязының киржикчилеринге чажыртынар четкилерни белеткээнин сагындыраал. Идепкейжи башкылар 40 дугаар четкини аргып эгелээн.

«Аргыырының технологиязы бөдүүн-даа болза, аңаа кичээнгей, арга-дуржулга херек. Аныяк башкыларны Наталья Шывык өөредип, камгалал четкилер аргыырынга мастер-класстарны эрттирип турар. Кезиндек пөстерни тодаргай азыгдан кескеш, четкилерже өрүүр» - деп, башкылар демдеглээн.

#сво_поддержка