Бо хүн республиканың өөредилге сайыды Алексей Храмцов бичии уруглар чогаалчызы, Тываның хөй-ниити ажылдакчызы, Кызылдың хүндүлүг хамаатызы Кара-Күске Күнзекович Чооду-биле ажылчын ужуражылгага чоок таныжып, чугааны кылган.

Уруглар чогаалчызы Кара-Күске Күнзекович сайытка ужуражып келген сорулгазын дыңнадып, ооң кичээнгейин хаара туткан.
«Онза солун кижи-биле таныжып билчип алдым. Ол Тываның билдингир чогаалчызы, бичии уругларның хөй санныг номнарының автору – Кара-Күске Күнзекович Чооду. Черле чогаалчы кижи болгаш ындыг бе, амыдырал-чуртталгазының дугайында дыка солун төөгүнү сонуургадып чугаалады. Сураглыг чогаалчы эрткен чылын 85 харлаан болду. Тыва чоннуң алдарлыг кижилериниң бирээзи, төөгү-кижи. Шак мындыг, төөгүнү кончуг эки болгаш хөй билир онзагай кижилерден билиин үлегерлеп алыр болза эки» – деп, Алексей Храмцов демдеглээн.

Кара-Күске Күнзекович Чооду уруглар садтарынга тыва дылды өөредири-биле кезек өөредилге номнарын тургузарынга бодунуң чогаалдарын берип, улуг дузаны көргүскен.

#минобразованиятыва #АлексейХрамцов