Амгы шагның автогрейдерин тулган башкарып база амгы үениң аар техниказынга ажылдаары-биле ГАПОУ РТ «Кызылский транспортный техникум»-нуң студентилери ам өөренип ап болур.

«Өөредилге» национал төлевилелдиң «Аныяк профессионалдар» деп федералдыг төлевилелиниң иштинде техникумда «Автогрейдерни башкарары» («Управление автогрейдером») база «Аар техникага ажылдаары» («Обслуживание тяжелой техники») деп мергежилдерге ийи өөредилге мастерскаязы ажыттынган. Өөредилге албан чериниң материал-техниктиг баазазында чаартылга келир үениң кадрларының белеткелин чаа деңнелче үндүрер арганы бээр.

«Бистиң өөренип турган эрги хевирниң техниказы элээн. Ам биске чаа техникага орнап берген, ынчангаш бис ам амгы үениң хевириниң техниказының дугайында элээн хөй билиг алыр бис деп бодап тур мен» - деп, 3-кү курстуң студентизи Игорь Игай үлешкен.

Тываның өөредилге сайыдының бирги оралакчызының хүлээлгезин күүседип турар Владимир Монгуштуң демдеглеп турары-биле, регионда бо чылын планнаттынган 11 өөредилге мастерскаязының 8-и ажыттынып, ажылдап эгелээн. Октябрьда ам-даа арткан үжү ажыттынар.

«Өөредилге» национал төлевилелдиң иштинде Тываның сес ортумак профессионал өөредилге албан черинде 2024 чылга чедир тос аңгы угланыышкын-биле 24 бүдүрүлге мастерскаязы тургустунар дээрзин сагындыраалыңар.

#национальныепроекты #национальныеприоритеты #образованиевприоритете #молодыепрофессионалы #минобразованиятыва #спотувы