Ук шудургу ажылдарга Тываның школаларының капитал септелгелери хамааржыр. Оларның хөй кезии доозулган. “Чыдып каап турар” школалар бар, ында ажылдар онза хыналдада.

Хыналданы Өвүр болгаш Мөңгүн-Тайга кожууннарның Саглы биле Мугур-Аксы школаларынга чоруткан. Саглы суурнуң школазында ажылдар доозулган. Школа чаарттынган – чырык болгаш таарымчалыг кабинеттер, чаартылгалар кылдынган – спортзалда уругларга база оолдарга арыгланыр болгаш чунар өрээлдер. Подрядчик коллективке школаны чогуур хевирже киирери-биле ажылдарда дузалажып турар.

Эң-не ырак Мугур-Аксы суурда ажылдар ам-даа чедир доозулбаан. Подрядчик объектини дужаарын саададып турар. Ажыл үезинде ажылчын хурал подрядчик Буян Агбаан, кожуун чагырга чериниң даргазы Чаян Салчак, өөредилге эргелелиниң удуртукчузу Айгуль Иргит база школа директору Аржаана Демиржан оларның киржилгези-биле эрткен. Аңаа подрядчиктиң билдирген хуусаадан чыдып каап турар чылдагааннарын сайгарып көрүп, ээлчеглиг негелделерниң дугайында сагындырыгны берген, кожууннуң удуртулгазынга ажылдарның чорудулгазының хыналдазын хууда чорудар дугайында даалганы берген. Сентябрь төнчүзүнге чедир школа долузу-биле дужааттынар дээрзинге идегел улуг.

Ол ышкаш суурнуң шупту өөредилге албан черлерин хынаан. Өөредилге инфраструктуразының хөгжүлдезиниң айтырыгларының шиитпирин болгаш чорудуун чугаалашкан.