Шак мындыг лозунг-биле Тыва Республиканың профессионал өөредилге организацияларының кижизидилге талазы-биле директорнуң оралакчыларының элээн каш ужуражылгалары эрткен. Ужуражылгаларны республиканың профессионал өөредилге организацияларында кижизидилге ажыл-чорудулгазын организастаар айтырыглар талазы-биле специалистер аразында арга-дуржулга солчулгазы кылдыр эрттирген.

Бо ышкаш ужуражылгаларны  Республиканский центр профобразования организастап саналдаан. Бир дугаар үнүүшкүннүг ужуражылгалар Ак-Довурактың даг техникумунга база Чадаананың Тываның технологтуг техникумунга болуп эрткен.

Ужуражылгалар иштинге киржикчилер бодалдары-биле, ажылдың дуржулгазы-биле, ылаңгыя чидиг айтырыгларны шиитпирлээринге, кижизидилге ажылының организациязының онза чугула сорулгаларны сайгарып көрүп, чаа хевирлер, технологиялар, кижизидилге ажылының болгаш башкарылга ажыл-чорудулгазының үре-түңнелдиг практикалары-биле танышкан.  Бо бүгү башкыларның профессионал өөредилгеде улаштыр ажыл-чорудулгазынга дээштиг өзүлдеге дузалаар.

Ужуражылгаларның түңнелдери-биле бо ышкаш ужуражылгаларны доктаамал эрттирип турар дугайында демдеглээн. Чүге дизе шуут-ла бо адырда өзүп орар салгалдың чаа кижизидилге методиказын ажыглап турар. А ону коллегалар-биле үе-шаанда шиңгээдип, дуржулга-биле солчуру чугула.

#минобразованиятыва #спо_рт #рцпо #воспитание_в_СПО