Тывада Улуг-Хем кожууннуң Чодураа суурунга база бир чаа школа туттунар. 176 олуттуг школаның дөмейлешкек Улуг-Хем кожуунда Ийи-Тал болгаш Тес-Хем кожуунда Ак-Эрик суурларда дөмей хевирлиг кылдыр ийи школаны туткан. Шак ындыг школа Мөңгүн-Тайга кожууннуң Кызыл-Хая суурда база туттунуп эгелээн. Төлевилелде спорт болгаш хуралдаар залдар, чемненир чер, шупту өөренир кабинеттер амгы үениң негелделеринге дүүштүр тургускан. Ол ышкаш школа шупту эргежок чугула дериг-херексел, эт-сеп-биле долузу-биле хандыртынып чаартынар.

Чодураа суурда школа тудуу «Көдээ черлерниң комплекстиг хөгжүлдези» деп РФ-тиң Күрүне программазының хемчеглериниң боттандырылгазының иштинде 2023-2024 чылдарда тудугже субсидия бээр объектилерниң даңзызынче кирген дугайында сагындыраалыңар. Школа тудуун 2024 чылда доозар.

Тывада бо хүнде «Өөредилге» национал төлевилел иштинде 10 школа тудуу чоруттунуп турар, оларның 4-ү бо чылын дужааттынар.

ФГБУ «Дирекция «Школа-2025»

#минобразованиятыва #строительствошколвтуве #КРСТ #нацпроект #образованиевприоритете