Чугаа өскүс уругларга быжыглаттынган бажыңынга септелге чорудары-биле чаңгыс катап алыр материалдыг дуза хевирлиг деткимче дугайында чоруп турар. Төлевирниң хемчээлин 50 000 руб. тургузуп турар. Шак ындыг арганы өскүс уруглар санындан база ада-иезиниң хайгааралы чок арткан, 18 хардан 23 харга чедир назылыг азыраан (ажаалда-тежээлде) дугайында доктаал-биле быжыглаттынган хуу өнчү кылдыр чурттаар оран-савалыг азы шак ындыг бажыңда кезектиг (доля) уруглар ажыглап болур.

Шак бо хемчег септелге ажылдары негеттинип турар квартира, чуртталга бажыңы, ооң иштинде соңга, эжиктер блоктарын солуурунга, бажың иштинде электри-, чылыг-, газ-, суг хандырылгазының, суг үндүрериниң инженерлиг системаларын септээринге, ханалар, шалалар, дээвиир база сантехниктиг херекселдер септелгезинче көрдүнген.

Ук деткимчени алыры-биле, Тыва Республиканың Өөредилге яамызынче ыяап-ла дужаар документилерни кожуп, билдириишкинни киирер:

 чогуур чурум-биле бадыткаан паспорт азы хууда кижини бадыткап турар өске документ хоолгазы;
 хамааты байдал актыларының күрүне бүрүткелиниң дугайында херечилел (фамилия, адын, адазының адын (бар болза), билдириишкин киирикчизиниң төрүттүнген чери өскерилгенде;
 хууда кижини бадыткап турар болгаш билдииришкин киирикчизиниң бүрүн эргелиг төлээзиниң (билдириишкин киирикчизиниң төлээзиниң билдириишкини-биле киирген таварылгада) документиниң айыттынган чурум-биле бадыткаан документ хоолгазы;
 өскүс азы ада-иезиниң хайгааралы чок арткан деп бадыткап турар документилер хоолгалары;
 Чаңгыс аай күрүнениң шимчевес хөреңги даңзызындан үндүр бижилге (Единый государственный реестр недвижимости);
 тудуг материалдарын берип турар организация-биле чардынган керээниң хоолгазы;
 билдириишкин киирикчизиниң өскүс уруглар болгаш ада-иезиниң хайгааралы чок арткан уругларның турар үези доозулган (доозуп үнген (үндүрткен) дугайында документи) дугайында бадыткап турар (шак ындыг организацияларда турар үези доозулган билдириишкин киирикчилеринге) документ; уругну азыраары-биле өг-бүлеге дамчыткан дугайында (азыраары-биле азы азырап алыр деп турар өг-бүлеге азыраары-биле) документ;
 хамаатыларның чурттап турар чериниң аайы-биле бүрүткеттиргениниң дугайында справка (№ 9 хевир-биле «О регистрации» справка).

 Билдириишкинни киирип болуру:
 ТР-ниң Өөредилге яамызы, адрези: Кызыл хоорай, Ленин кудумчузу, 39, каб. 102.
 Чурттап турар чериниң аайы-биле МФЦ-лер.

 Шупту сонуургаан айтырыгларны дараазында телефон дугаарынче долгап, билип ап болур: 8(394 22) 3-00-29.

Чурукту интернет четкизинден алган.

#минобразованиятыва #детисироты #опекаипопечительство #поддержка #анонс